qanunvericilik Dövlət orqanlarına müraciət tarif və rüsumlar
ana səhifə     məqsədimiz     faydalı məlumatlar     xəbərlər      rəy və təkliflər     axtarış     multimedia     əlaqə    
İsti su təchizatı və isitmə xidmətlərinin tarifləri
Bakı Metropolitenində sərnişindaşıma xidməti
Bərk məişət tullantılarının yığılması və daşınması xidmətləri
Yeniliklərdən xəbərdar olmaq üçün elektron poçtunuzu qeydiyyatdan keçirin!


Xəbərlər

19.07.2010 | Azərbaycan Respublikasının “Yol Hərəkatı haqqında” qanununa və Azərbaycan Respublikasının İnzibati Xətalar Məcəlləsinə əlavə və dəyişikliklər

İ. İnzibati Xətalar Məcəlləsi üzrə

A.           Aşağıdakı hərəkətlər inzibati xətalar siyahısına əlavə edilmşdir.

 

1.    151.1-ci maddəyə (Nəqliyyat vasitəsinin sürücüləri tərəfindən yol hərəkəti qaydalarının pozulması) əlavə edilmişdir və 15 manatdan 20 manatadək cərimə ilə cəzalandırılır.

 

-       avtomagistralda və ya yaşayış zonasında hərəkət etmə qaydalarının pozulması

 

-       əks istiqamətli hərəkət zolağına çıxmadan ötmə və ya manevr etmə qaydalarının pozulması

 

-       ümumi istifadədə olan nəqliyyat vasitələrinin dayanacaq meydançasında və ya 5.12 (Avtobusun və ya trolleybusun dayanacaq yeri), 5.13 (Tramvayın dayanacaq yeri) yol nişanlarından 15 metrdən az yaxınlıqda digər nəqliyyat vasitələrinin dayanma və ya durma

 

-       səkilərlə və qanunla nəzərdə tutulmamış hallarda yolun çiyini ilə hərəkət edilməsi

 

-       piyada keçidində nəqliyyat vasitələrinin hərəkəti nizamlayıcı tərəfindən və ya svetofor vasitəsilə nizamlanmırsa, həmin piyada keçidinə daxil olmuş və ya daxil olmaqda olan piyadaya sürücü tərəfindən nəqliyyat vasitəsini dayandıraraq yol verilməməsinə

 

2.    151.2-ci maddəyə (Nəqliyyat vasitəsinin sürücüləri tərəfindən yol hərəkəti qaydalarının pozulması) əlavə edilmişdir və 20 manatdan 40 manatadək cərimə ilə cəzalandırılır.

 

-     əks istiqamətli hərəkət zolağına çıxmaqla ötmə və ya manevr etmə

 

-     ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12 (Avtobusun və ya trolleybusun dayanacaq yeri), 5.13 (Tramvayın dayanacaq yeri) nişanları ilə işarələnmiş dayanacaq yerlərindən kənarda dayandırılmasına

 

-     keçid üstünlüyü hüququna malik olan nəqliyyat vasitəsinin müşayiət etdiyi mütəşəkkil nəqliyyat dəstəsinə qoşularaq hərəkət edilməsi

3.    152.3-ci maddəyə (Nəqliyyat vasitələrini idarəetmə hüququ olmayan şəxslər tərəfindən nəqliyyat vasitələrinin idarə edilməsi) əlavə edilmişdir və 80 manatdan 100 manatadək cərimə ilə cəzalandırılır.

-     nəqliyyat vasitəsini idarə etmək hüququ məhdudlaşdırılmış şəxs tərəfindən nəqliyyat vasitəsinin idarə edilməsinə

 

4.    155.7-ci maddə kimi yeni redaksiyada 155-ci maddəyə əlavə edilmişdir. Bundan əvvəl oxşar tərkib 155.2.4-cü maddə ilə cəzalandırılırdı.

 

-     Nəqliyyat vasitələrinin müvafiq icazə olmadan xüsusi (çoxavazlı) səs və ya sayrışan işıq siqnalları və ya operativ nəqliyyat vasitələri üçün müəyyən edilmiş rənglənmə sxemləri, yazılar və tanınma nişanları ilə təchiz edilməsinə, habelə nəqliyyat vasitəsinin sürətini ölçməyə maneçilik törədən və ya ölçmə cihazlarının işinə mane olan antiradar və digər texniki vasitələrdən, yaxud əhalinin dincliyini nümayişkaranə şəkildə pozan səs siqnallarından istifadə edilməsinə görə -

 

B.           Tətbiq edilən sanksiyalara aşağıdakı dəyişikliklər edilmişdir

 

-          154 –cu maddənin (Nəqliyyat vasitələrinin dövlət qeydiyyatının aparılması, texniki baxışın keçirilməsi, nəqliyyat vasitəsinin sazlığı haqqında sənədin və sürücülük vəsiqəsinin verilməsi qaydalarının pozulması) sanksiyasında 15 manatdan 20 manatadək sözləri 30 manat sözləri ilə əvəz edilib.

 

-          155.6-cı maddə - Nəqliyyat vasitəsinin hərəkəti zamanı sürücünün telefonu əldə saxlamaqla ondan istifadə etməsinə görə -  50 manat miqdarında cərimə edilir.

Bu hərəkət 155.1.3 maddədən çıxarılaraq yeni 155.6-cı maddə kimi əlavə edilmişdir.

 

-          Nəqliyyat vasitələrinin müvafiq icazə olmadan xüsusi (çoxavazlı) səs və ya sayrışan işıq siqnalları və ya operativ nəqliyyat vasitələri üçün müəyyən edilmiş rənglənmə sxemləri, yazılar və tanınma nişanları ilə təchiz edilməsinə, habelə nəqliyyat vasitəsinin sürətini ölçməyə maneçilik törədən və ya ölçmə cihazlarının işinə mane olan antiradar və digər texniki vasitələrdən, yaxud əhalinin dincliyini nümayişkaranə şəkildə pozan səs siqnallarından istifadə edilməsinə görə - inzibati xətanın törədilməsində alət və ya inzibati xətanın bilavasitə obyekti olmuş predmet müsadirə edilməklə qırx manatdan altmış manatadək miqdarda cərimə edilir.”;

 

C.   İnzibati xəta haqqında işə baxılması qaydası

421.3-cü maddəyə edilən dəyişiklərdən sonra:

Nəqliyyat vasitəsini idarə etmə hüququnun məhdudlaşdırılmasına (sürücülük vəsiqəsinin alınması ilə nəticələnən) səbəb ola bilən inzibati xətalar haqqında işlərə barəsində icraat aparılan şəxsin vəsatətinə əsasən onun yaşadığı yer üzrə baxıla bilər. Dəyişikliklərdən əvvəl bu xətalara ancaq nəqliyyat vasitəsinin qeydiyyatda olduğu yer üzrə baxılırdı.

II. Yol hərəkəti haqqında Qanun üzrə

1.            Minik avtomobillərinin arxa şüşələrinə örtük (pərdə və ya plyonka) çəkməyə və ya sənaye üsulu ilə hazırlanan jalüz asmağa yol verilir.

 

2.             “Yaşayış məntəqələrindən kənarda, habelə yaşayış məntəqələrində 5.1 (Avtomagistral)  və ya 5.3 (Avtomobillər üçün yol) nişanları ilə işarələnmiş yolun hərəkət hissəsində hərəkət istiqamətində sağ zolaq boş olduğu halda sol zolaqlarla hərəkət etmək qadağan edilir.

 

3.               Yeni “A1” kateqoriya sürücülük vəsiqəsi təsis edilir. A1 sürücülük vəsiqəsi mühərrikinin işçi həcmi 125 kub/sm-dən və mühərrikinin gücü 11 kVt-dan çox olmayan motosikletləri idarə etmək üçün verilir;

 

4.               Yaşayış məntəqəsinin anlayışı dəqiqləşdirilir. - Yaşayış məntəqəsi aşağıkdakı  nişanları ilə işarələnmiş, əhalinin yığcam məskunlaşdığı ərazidir.

5.22 Yaşayış məntəqəsinin baçlanğıcı

5.23 Yaşayış məntəqəsinin qurtaracağı

5.24 Yaşayış məntəqəsinin başlanğıcı

5.25 Yaşayış məntəqəsinin qurtaracağı

Ağ fonu olan 5.22 və 5.23 nişanları yaşayış məntəqələrində hərəkət qaydalarını tənzimləyən müvafiq tələblərin tətbiq olunduğunu, göy fonu olan 5.24 və 5.25 nişanları yaşayış məntəqələrində hərəkət qaydalarını tənzimləyən müvafiq tələblərin bu yolda tətbiq olunmadığını göstərir;

5.            Yaşayış zonalarında və həyət ərazilərində hərəkət sürəti saatda 20 kilometrə məhdudulaşdırılır. Yaşayış zonası yaşayış məntəqəsindən bir birindən fərqləndirilir və yaşayış zonası dedikdə binaların həyətləri, yaşayış həyətləri və əhalinin sıx yaşadığı yaşayış massivləri başa düşülür  və 5.51 və 5.52 nişanları ilə işarələri ilə nişanlanır.

 

6.            Nəqliyyat vasitəsi, sənədlərin (sürücülük vəsiqəsini, etibarnaməni və s.) yoxlanılması məqsədilə yalnız stasionar postlarda dayandırıla bilər.

 

7.            Nəqliyyat vasitəsinin dayandırılması tələbini yerinə yetirməyən sürücü öz hərəkətləri ilə insan həyatına və sağlamlığına real təhlükə yaratdıqda yol polisi yuxarı vəzifəli şəxsinə radio-cihaz vasitəsilə məlumat verilməklə həmin nəqliyyat vasitəsini təqib edə bilər

Untitled Document
Copyright 2010 © ProDemos